Ndërkohë që ka ende mëdyshje se cilat nga kompanitë do ta prodhojë e para vaksinën më efektive kundër covid-19, autoritetet shëndetësore britanike e kanë ndarë mendjen dhe janë duke u përgatitur për të marrë vaksinat e para të Pfizer / BioNtech deri më datë 7 dhjetor.
Mediat britanike kanë raportuar se spitalet janë duke u përgatitur për të vaksinuar stafin e tyre brenda dhjetë ditëve të ardhshme për shkak se mjekët dhe infemierët konsiderohen si grupet më të rrezikuara.
Miratimi i vaksinës pritet që të jepet në ditët e ardhshme dhe spitalet e Britanisë së Madhe mund të marrin furnizimet e para të vaksinave Pfizer deri të hënën më 7 dhjetor.
Sipas planit të qeverisë, fillimisht vetëm personeli mjekësor do të jetë ai që do të vaksinohet edhe pse më herët ishte njoftuar për fillimin e vaksinimit në azile.
Sipas “The Guardian”, natyra e vaksinës Pfizer është ajo që çon në një rregullim të rendit të përparësisë. Përbërja kimike e kësaj vaksine kërkon, siç pretendojnë ekspertët, një numër të kufizuar lëvizjesh. Prandaj, nuk mund të transportohet nga mjekët në shtëpitë e pleqve ose shtëpitë e tyre.
Ata që jetojnë në njësitë e lartpërmendura ose mbi moshën 80 vjeç pritet të marrin vaksinën e Universitetit të Oksfordit / AstraZeneca, e cila gjithashtu pritet të marrë autorizimin për përdorim më vonë./GazetaReforma.com/
