Ditën e djeshme Gjykata e Përmetit liroi pronarin e UET, Henri Çilin, duke e lënë me detyrim paraqitje, pas akuzave për ndikim të paligjshëm .
Kunati i Çilit, Gazmir Ajdini, në një rrëfim për “Report Tv” nga paraburgimi i Bënçes, ka dhënë versionin e tij për ngjarjen.
Ai shprehet se u arrestua me një sasi të vogël lënde plasëse dhe ka qenë i vetëm në makinë.
Sipas tij arrestimi i 30 personave, për të cilët thotë se nuk i njeh, është bërë për t’i prishur imazhin Çilit.
“Më kapën lëndë plasëse në dorë një sasi të vogël. Unë kam qenë vetëm në makinë. Pas meje kishin kapur 30 veta, 15 kanë ardhur këtu (në paraburgimin e Bënçës), nuk i njoh fare. I futën 30 veta që të bënin shoë, për të prishur imazhin e Henrit.I futi të gjithë bashkë që t’i prishte imazhin Henrit, se janë çështje të ndryshme, nuk kanë lidhje me përgjimet e mia. Unë kam folur me 2-3 veta, këta fusin 30 veta. Del Ard Veliu e bën shoë me emrin e Henrit, del Erjon Braçe e bën shoë, për këto muhabete duhet të jetë bërë politike gjëja. Prokurori është xholi i parë, se ç’a ka mbrapa një zot e di”, thotë Ajdini.
Më tej ai shton se Henri Çili nuk ka lidhje me këtë histori, pasi që nga momentin që ka një studio ligjore, i lejohet çdo lloj ndërmjetësimi.
Ajdini vijon duke thënë, se akuzat ndaj kunatit të tij janë të pabaza.
“Ja është Henri që ka frikë nga ligji, Henri nuk më takonte mua, se nuk donte të kishte lidhje…jo për keq, por se kishte punët e tij, unë kisha punët e mia. Nuk ka lidhje Henri cili se ndryshe nuk do lirohej. Po të shikoni dosjen dhe dokumentet e Henri Çilit, do kuptoni që nuk ka lidhje. Henri ka thënë që nga momenti që ka studio ligjore i lejohet çdo lloj ndërmjetësimi. Në momentin që ata janë liruar dhe gjykatësi e ka kuptuar që ka qenë kot. Në lidhje me akuzat e tyre nuk ka çfarë të provosh. Henri ka 11 vjet që ka UET dhe nuk ka falsifikuar një gërmë”, u shpreh Gazmir Ajdini.
Përsa i përket vëllezërve Aliko, ai thotë se i ka njohur në burg dhe se i kishin kërkuar një avokat, ndërsa shton se përgjimet janë brenda çdo lloj rregulli.
“Mua më parë më ka ndodhur një incident dhe kam qenë në burg, kam njohur vëllezërit Aliko, më kërkuan avokat se nuk kishin. Do t’ju gjej unë. I kam shokë si të tjerët. Henri ka dhe çështje të tjera. Nuk ka lidhje Henri, e ka salla e avokatisë. Sugjerova avokat të Henrit, që ka ai të tijit. Kisha bërë 2-3 takime që do takoheshim me avokatët, ne akoma nuk kishim marrë dosjen. Të gjithë përgjimet janë brenda ligjit. Nuk ka asnjë lloj premtimi, është çdo gjë brenda çdo lloj rregulli”, tha Gazmir Ajdini.
