Policia dhe Prokuroria e Elbasanit kanë realizuar një aksion në inceneratorin e qytetit, pas raportimeve se Prokuroria ka nisur hetimet ndaj tij.
Hetimi u hap më 4 mars 2025, pas zjarrin që përfshiu inceneratorin në korrik të vitit 2023.
Hetimet janë fokusuar në dy akuza, “Shkatërrimi i pronës me zjarr” dhe “Ndotja e ajrit”. Prokuroria po shqyrton shkaqet e zjarrit dhe ndikimin e tij në mjedis.
Po ashtu, hetimi është zgjeruar dhe përfshin tani edhe akuzën për “Shpërdorim detyre”, për të cilën është përfshirë dhe shoqëria Eco Alb, që administron inceneratorin.
