Procesi sapo ka nisur dhe është herët për të dhënë parashikimet finale, ato që çdo kush do të donte t’i mësonte pavarësisht rezultatit, për shkak edhe të tensioneve që po shoqërojnë zgjedhjet në SHBA.
Sot Amerika voton në një palë zgjedhje që kanë mbajtur në ankth jo vetëm amerikanët, por mbarë botën. Donald Trump garon përballë Joe Biden, në një garë ky sondazhet i japin një avantazh rivalit demokrat.
Por sipas një sondazhi të fundit, Donald Trump, i republikanëve e ka ngushtuar hendekun në gjashtë shtete kyçe për zgjedhjet. Bëhet fjalë për shtetet Arizona, Florida, Miçigan, Karolina e Veriut, Pensilvania dhe Uiskonsin.
Këto shtete janë fituar nga Trump në vitin 2016, por tani ka avantazhin Joe Biden. Megjithatë, gara është akoma shumë e nxehtë dhe rezultati është thuajse në balancë.
Ndërkohë anketuesi që zbuloi rezultatin e saktë në vitin 2016, beson se sërish do të ketë surpriza. Robert Cahaly, tha se, votuesit e fshehtë të Trump do të hapin sërish rrugën për fitoren e tij.
“Janë sërish shumë votues të turpshëm për Trump, madje më shumë se herën e parë”,- tha ai.
Kujtojmë se edhe në vitin 2016, nga sondazhet u parashikua fitorja e Hillary Clinton, por gjërat ndryshuan pas votimit. Cahaly tha se, ekziston mundësia që edhe sivjet, anketuesit kryesore të gabojnë me përllogaritjen e Joe Biden si fitues.
Gjithsesi gara e ashpër është në zhvillim e sipër dhe është ende shpejt për të dalë në konkluzione afër reales, prandaj duhet të priten edhe orët e pasdites, kur kjo garë të jetë bërë më e qartë.
/Burimi: Reuters/ GazetaReforma.com/
