Nuk dihet nëse e ka bërë për show apo për t’i bërë një “shkelje syri” Edi Ramës, por deklarata e sotme kundër protestuesve duket se do t’i hedhë më tepër “benzinë” zjarrit të rrevoltës.
Avokati Spartak Ngjela, i ka cilësuar si “turp historik” protestat dhe protestuesit e 2 ditëve të fundit në Tiranë, ku nuk u kursye as dhuna, qoftë nga protestuesit, qoftë nga policia që i’u kundërpërgjigj.
I ftuar në rubrikën “Opinion” në studion e lajmeve në “News24”, Ngjela shkon më tej dhe i cilëson si “halabakë” protestuesit.
“Kryeministri t’i përgjigjet dhunës me forcë, ndryshe është bashkë me ta. Unë them t’i godasë politika amerikane të tre, Ramën, Bashën dhe Berishën.
Nuk lejohen halabakët të djegin qytetin. Shkelja e ligjit ka si përgjigje vetëm forcën. Policia s’të përkëdhel, ka forcën, t’i marrë, t’i thyejnë brinjët, t’i nxjerrë jashtë qytetit”,- tha ai.
Sa për vrasjen e të riut Rasha, avokati u shpreh se duket si një ngjarje aksidentale: “Duket aksidentale, por nuk ka dalë shkaku pse është vrarë, është hakmarrje mes tyre apo çfarë? Ata duan të shpëtojnë lëkurën nga korrupsioni, po flas për politikanët këtu”.
Duke dhënë opinionin e tij për ministrin e dorëhequr Lleshaj, Ngjela tha: “Xhafaj ishte më i mirë si ministër se ky, pavarësisht se edhe ky nuk punoi keq”.
/Burimi: BW/ GazetaReforma.com/
