Skip to content
Aktualitet

Moti i keq në Shqipëri, reagon Policia e Shtetit

· 2 min lexim

Ditwn e sotme Policia e Shtetit u bëri thirrje drejtuesve të automjeteve që të tregojnë kujdes dhe të zbatojnë me rigorozitet rregullat e qarkullimit rrugor pasi kushtet atmosferike kanë shkaktuar përmbytje dhe vështirësi lëvizjeje në disa akse rrugore të vendit. Në faqen zyrtare, policia theksoi se ka angazhuar të gjitha Patrullat e Përgjithshme dhe “Shqiponjat” për garantimin e lëvizjes pa probleme të shoferëve.

Gjithashtu, Policia e Shtetit theksoi se drejtuesit e automjeteve duhet të shmangin parakalimet e gabuara, konsumin e alkoolit dhe shpejtësinë e lartë.

MESAZHI I POLICISË SË SHTETIT
Për shkak të motit të keq, me reshje të dendura shiu, në disa akse rrugore ka prezencë të ujit dhe vështirësi në qarkullim.

Policia e Shtetit apelon për të gjithë drejtuesit e automjeteve dhe këmbësorët, që të zbatojnë me rigorozitet rregullat e qarkullimit rrugor, drejtuesit e mjeteve dhe motomjeteve të moderojnë shpejtësinë, të ruajnë distancën, të mos kryejnë parakalime të gabuara, të qëndrojnë në radhë në rastet kur ka fluks të shtuar mjetesh apo ngadalësim të lëvizjes për shkak të reshjeve të dendura të shiut, të vendosin rripin e sigurimit, kaskën mbrojtëse, të mos drejtojnë mjetet nën ndikimin e alkoolit apo në gjendje të dehur dhe të mos përdorin celularin gjatë drejtimit të mjetit.
Shërbimet e Policisë Rrugore, në bashkëpunim me Patrullat e Përgjithshme dhe “Shqiponjat”, janë angazhuar në të gjitha akset rrugore nacionale, qendrat urbane dhe akset kryesore rurale dhe janë në gadishmëri për t’u ardhur në ndihmë drejtuesve të mjeteve që mund të kenë probleme, si dhe për të parandaluar aksidentet rrugore.
Në rast nevoje për ndihmë, telefononi Policinë, në numrin 112, ose dërgoni njoftim në Komisariatin Dixhital.

Zbatoni rregullat e qarkullimit rrugor, për të mbërritur të sigurt në destinacion!

Lexo më tej

Na Kontaktoni

Të dhënat tuaja do të mbahen konfidenciale dhe të sigurta.

Madhësia maksimale: 10MB. Lloje të lejuara: JPEG, JPG, PNG, GIF, PDF, TXT, DOC, DOCX