Kurti: Të flasim si diplomatë dhe të punojmë si patriotë, marrëzi do të jetë…

Fjalën e tij kryeministri Albin Kurti në mbledhjen e dy qeverive e nis me një përkujtim për viktimat e tërmetit tragjik të 26 nëntorit.

“Më lejoni që të përkujtoj që sot janë mbushur dy vite nga tërmeti i tmerrshëm që goditi Shqipërinë, familjarët e 51 të vdekurve, kanë pikëllim e mallëngjim sot, dhembja e tyre është edhe e jona.- tha Kurti, ndërsa më tej, foli për bashkëpunimin mes dy vendve.

Kjo është mbledhja e 7 e dy qeverive, por e para e imja si kryeministër i Kosovës. Sa herë që vi në Shqipëri, jo vetëm si kryeministër kam një ndjesi të vecantë që edhe nuk përshkruhet lehtë e nuk shpjegohet kollaj. Jemi si një lis me dy degë, paçka se me dy dialekte që sa vjen e tjetërsohet.

Çfarëdo që po them, po analizohet mirë se ku desha të dal, po edhe sikur të mos them asgjë, prap do thoshim edhe ky është mesazh. Ajo që ndjej në Kosovë, ka një lloj ndrydhje të ndjejave kur flitet për Shqipërinë, një lloj e represionit të shkaktuar nga trauma e simboleve që ka rezultuar me një tonditje kolektive. Shoqëria në Kosovë përjetoi një zëvendësim që nuk u pyet. Pra, një kërkesë për të ndrydh një dëshirë e një mendim. Të thuash se jemi të ndarë, do ishte marrëzi, të thuash jemi më të fortë se jemi dy, do ishte tepri e shkurtpamësi të thuash se angazhohesh për pajtim kombëtar, do të quanin nacionalist, e të thuash se do bashkohemi në BE të shquajnë për diplomat. Kështu le të flasim si diplomat e të veprojmë si patriotë. Sa më i porjektuar horizonti i marrëdhënieve tona, aq më i mundëshëm është integrimi në BE, që është fati ynë.

Si patriot duhet t’i forcojmë dy shtetet, patriotizëm është të luftosh korrupsionin, gjyqësor të pavarur, liri të mediave. bashkëpunimin me njëri tjetrin e këmi detyre, jo dëshirë. Sa më të njësuar të jemi në qëndrime, aq më të fortë e fuqishëm do të bëhemi. Duhet të gjejmë thirrjen tonë të përbashkët. Cdo e mirë e njërit shtet mund të përcillet në anën tjetër. Linja Prishtinë-Durrës, është cilësi ekologji e fuqi e tokës në det, rritje e portit kryesor të shqiptarëve. Rrit dhe forcon shqiptarët por edhe ndihmon rajonin. Jetojmë me fqinjët tanë. Marrëveshjet që kemi para do lehtësojnë procedurat” u shpreh Kurti, ndërsa ndau të njëjtin mendim me kryeministrin Rama sa i takon zbatueshmërisë së tyre.