Vajza dhe këshilltarja e presidentit aktual të SHBA-së, Ivanka Trump, është marrë në pyetje nga gjykata, pasi kanë dyshime se fondet jofitimprurëse në një inaugurim katër vjet më parë janë keqpërdorur.
Zyra e Prokurorit të Përgjithshëm të shtetit të Kolumbias , Karl Racine ka deklaruar se depozitimi i kërkesës për të marrë në pyetje Ivanka Trump, është dorëzuar në gjykatëdy ditë më parë.
Në një proces gjyqësor të janarit 2020, Racine pretendoi se biznesi i pasurive të patundshme të Donald Trump dhe subjekte të tjera kishin keqpërdorur fonde jofitimprurëse për të pasuruar familjen Trump.
Sipas padisë, një korporatë jofitimprurëse është përjashtuar nga taksat. Kjo korporatë e quajtur “Komiteti i 58-të Presidencial”, kishte lidhje të ngushta me familjen Trump dhe kishte bërë një ceemoni inagurimi në hotelin Trump International në Uashington, shkruan Reuters.
Procesi gjyqësor i Racine pretendonte se në një rast, organizata jofitimprurëse paguajti më shumë se 300,000 dollarë për të mbajtur një pritje private në hotelin Trump për tre fëmijët më të mëdhenj të presidentit Donald Jr, Ivanka dhe Eric, në mbrëmjen e inaugurimit të 20 janarit 2017.
“Ligji amerikan kërkon që organizatat jofitimprurëse të përdorin fondet e tyre për qëllimin e tyre të deklaruar publik, jo për të përfituar individë ose kompani private”, ka deklaruar Racine.
Procesi gjyqësor i tij kërkon të rikuperojë 1 milion dollarë që dyshohet se kishin drejtpërdrejt në biznesin e familjes Trump.
Korporata “Komiteti i 58-të Presidencial”, ka deklaruar se financat e tyre janë audituar në mënyrë të pavarur dhe se të gjitha paratë janë shpenzuar në mënyrë të ligjshme.
Megjithëse ligjet e financimit të fushatës kufizojnë madhësinë e kontributeve të fushatës, komitetet e inaugurimit mund të pranojnë dhurime të pakufizuara, përfshirë nga korporatat.
Sipas regjistrimeve të Komisionit Federal të Zgjedhjeve, 107 milion dollarë të mbledhur nga komiteti përurues i Trump, i kryesuar nga zhvilluesi i pasurive të patundshme dhe investitori Thomas Barrack, ishin shumat më të mëdha në histori.
Ish ndihmësi i fushatës së Trump, Richard Gates, shërbeu gjatë asaj kohe si nënkryetar i komitetit përurues.
Gates ishte një nga disa bashkëpunëtorët e Trump të dënuar në hetimin e ish-Këshilltarit Special Robert Mueller, për ndërhyrjet e Rusisë në zgjedhjet presidenciale amerikane në vitin 2016-të./GazetaReforma.com/
