Efektet anësore nga vaksinat anti-Covid/ Paralajmërimi serioz i mjekëve amerikanë: Pasojat do të jenë…  

Google+ Pinterest LinkedIn Tumblr +

Bota është përqendruar të prodhimi dhe te nisja nga përdorimi sa më i shpejtë i vaksinave që pretendohet se do të “zhdukin” gripin e avancuar “Sars-Cov-2”, por askush nuk flet për pasojat anësore që do të kenë vaksinat.

Shumë qeveri janë angazhuar edhe mbi bazën e një “skenari konspitativ” që tashmë të urdhërojnë popullatën edhe për bërje me detyrim të vaksinave, për veç çmimeve të kripura që ato mund të kenë.

Në disa raste të tjera, edhe zërat që kanë folur deri tani për efektet anësore nga vaksinat anti-Covid, pasi shumë prej tyre janë realizuar në kohë rekord, janë mbytur nga fuqia që kanë në media dhe në opinionbërje kompanitë farmaceutike.

Por një deklaratë e bërë vetëm dje nga disa mjekë amerikanë në lidhje me efektet anësore të vaksinave, duket se do të shfryjë si një “fluskë sapuni” gjithë ngazëllimin e qeverive për të blerë sa më parë dhe për të nisur nga injektimet të vaksinave në popullatë.

Një grup mjekësh amerikanë ju drejtuan me një deklaratë publike prodhuesve të ilaçeve, që të jenë më transparentë në lidhje me efektet anësore që njerëzit mund të përjetojnë nga vaksinat, pasi kanë marrë vaksinën e tyre të parë të koronavirusit.

Vaksina anti-Covid duhet të mirret më shumë se një herë - GazetaBlic

Dklarata u bë gjatë një takimi me këshilltarët e “CDC-së” në SHBA, ndërsa shtetet përgatiten të shpërndajnë dozat që nga muaji tjetër.

Dr. Sandra Fryhofer e Shoqatës Mjekësore Amerikane, vuri në dukje se të dy vaksinat “Pfizer” dhe “Moderna’s” të Covid-19, kërkojnë të paktën nga dy doza në intervale të ndryshme.

Si një mjeke, ajo tha se, “shqetësohet nëse pacientët e saj do të kthehen për një dozë të dytë, për shkak të efekteve anësore potencialisht të pakëndshme që mund të përjetojnë pas goditjes së parë”.

“Ne me të vërtetë duhet t’i bëjmë të vetëdijshëm pacientët se kjo nuk do të jetë si një ‘shëtitje në park’. Ata duhet të dinë se kanë bërë një vaksinë. Ata ndoshta nuk do të ndihen shkëlqyer. Por ata duhet të kthehen për dozën e dytë”,- tha Fryhofer, gjatë një takimi virtual me Komitetin Këshillues për Praktikat e Imunizimit, ose “ACIP”, një grup i jashtëm ekspertësh mjekësorë që këshillojnë CDC.

Pjesëmarrësit në provat e vaksinave të koronavirusit për “Moderna” dhe “Pfizer” i deklaruan “CNBC” në shtator se, po përjetonin ethe të larta, dhimbje trupi, dhimbje koke të forta, lodhje ditore dhe simptoma të tjera pasi morën dozën e vaksinimit.

Second U.S. study for COVID-19 vaccine uses skin-deep shots

Ndërsa simptomat ishin të pakëndshme dhe nganjëherë të forta, pjesëmarrësit thanë se ato shpesh zhdukeshin pas një dite, ndonjëherë më shpejt dhe se ishte më mirë sesa të merrnin Covid-19.

Të dy kompanitë pranuan se vaksinat e tyre mund të nxisin efekte anësore, që janë të ngjashme me simptomat e shoqëruara me Covid-19 të butë, të tilla si dhimbje të muskujve, të dridhura dhe dhimbje koke.

Takimi i komitetit erdhi tre ditë pasi “Pfizer” dhe partneri i saj “BioNTech”, aplikuan për një autorizim përdorimi urgjent nga Administrata e Ushqimit dhe Barnave për vaksinën e tyre të koronavirusit.

Procesi i FDA pritet të zgjasë disa javë dhe një takim i komitetit këshillues për të rishikuar vaksinën, është planifikuar për në fillim të dhjetorit. Disa amerikanë mund të marrin dozën e tyre të parë të vaksinës pas rreth një muaji.

ACIP pritet të thërrasë një takim urgjent për të bërë rekomandime specifike mbi shpërndarjen, sapo FDA të autorizojë një vaksinë.

/Burimi: CNBC/Përktheu: GazetaReforma.com/

 

 

Shpërndaje
Share.

Komento