Pak ditë më parë, qeveria holandeze iu drejtua parlamentit të këtij shteti me një letër, ku thkesohej se Shqipëria nuk është ende gati për negociatat dhe një hap i tillë është i parkohshëm.
Mirëpo në Tiranë nuk kanë qëndruar duarkryq pas këtij veprimi.
“Top Channel” mëson se ministret e kabinetit qeveritar i kanë dërguar letër qeverisë holandeze.
Në letër theksohet me krenari fakti që OKB njohur Shqipërinë, si një nga 5 vendet e globit me kabinetin më të balancuar gjinor.
Ministret kanë shtruar çështjen e prespektivës evropiane të Shqipërisë, që ka një rëndësi ta jashtëzakonshme për të gjithë shqiptarët.
Në letër thuhet se në Shqipëri ka një admirim për Holandën, si një komb me tradita të mëdha dhe me tolerancë të madhe shoqërore.
Holandës i kujtohet se Shqipëria ka vetëm 30 vjet që ka dalë nga komunizmi dhe pavarësisht vështirësive, ka pasur disa përparimet të jashtëzakonshme, por nuk mohohet fakti që ka ende shumë rrugë përpara.
“Shpresojmë ta kuptoni se sa e vështirë është beteja jonë, të cilën nuk mund ta fitojmë të vetëm dhe disa nuk duan që ne ta fitojmë, përfshirë dhe një pjesë këtu në vendin tonë. Dështimi i përpjekjeve tona për të çelur bisedimet e anëtarësimit është çmimi më i madh për këto forca të errëta. Ne nuk kërkojmë që të ndryshoni pikëpamjet tuaja, thjesht duam që të bashkoheni me kombet e tjera të Europës duke i shtrirë dorën Shqipërisë dhe të na lejoni t’i çojmë këto përpjekje tonat në të një tjetër nivel”, përfundon letra.
Kjo letër vjen vetëm pak ditë përpara se BE të vendosi për fatin e Shqipërisë.
Holanda së bashku me Francën dhe Danimarkën, janë shtetet më skeptike, përsa i përket çeljes së negociatave.
