Jo vetëm në kryeqytet por studentët edhe në rrethe po vazhdojnë protestën për të njëjtin qëllim, plotësimin e kërkesave.
Në mënyrë paralele vazhdon protesta edhe në Elbasan ku ka nisur grumbullimi i studentëve të universitetit “Aleksandër Xhuvani” së bashku me gjimnazistë të shkollave “Dhaskal Todri” dhe ”Kostandin Kristoforidhi”.
Burime për “gazetareforma.com” na bëjnë me dije se studentë dhe gjimnazistë së bashku, pritet të nisen të gjithë drejt kryeqytetit për t’ju bashkuar protestës masive përpara Ministrisë së Arsimit.
Madje na informojnë se një pjesë e tyre, me pankarta nëpër duar dhe me thirrjen që nuk dorëzohen deri në plotësim kërkesash nga qeveria, janë sistemuar nëpër autobuza dhe janë gati për të marshuar drejt Tiranës.
Ndërsa studentë të Shkodrës shprehen se sot më shumë se kurrë duhet të jenë të bashkuar dhe jo vetëm studentët por ata u bëjnë thirrje edhe gjimnazistëve.
Gjithashtu vazhdon protesta në Sarandë me thirrjen “Ne jemi studenta, nuk kemi frikë”,.
Nga ana tjetër kemi studentët e Vlorës dhe të Korçës që kanë marshuar drejt qendrës së qytetit të tyre për të vazhduar protestën.
SPAK: Dy vartëset e Ballukut ndryshuan kontratën e energjisë dhe paguan faturat e vilës në Dhërmi, mesazhet që fundosin skemën e fshehjes së pronës
Prokuroria e Posaçme ka zbuluar detaje të reja që, sipas saj, forcojnë dyshimet se vila F6 në kompleksin “White Rocks”...
