Shteti ynë fqinj Greqia, po kalon një situatë të vështirë me koronavirusin gjithashtu.
Mësohet se Greqi kanë rezultuar pozitivë 4 shqiptarë me origjinë nga Saranda, të cilët jetojnë në ishullin Zakynthos.
Bëhet fjalë për motër e vëlla dhe bashkëshortët e tyre, të moshës 55-60 vjeç.
Njëri prej çifteve është pronar i një restoranti që hapet vetëm gjatë verës, ndërsa çifti tjetër zotëron një market.
Ata kishin udhëtuar me grupin e pelegrinëve në Izrael dhe Egjipt.
Shqiptarët ndërkohë janë në gjendje të mirë shëndetësore.
Aktualisht në vendin fqinj janë regjistruar 99 të prekur dhe një viktimë.
Ndërkohë në vendin tonë numërohen 23 të infektuar dhe një viktimë.
Që prej ditës së djeshme, në rrugë ka zbritur ushtria dhe policia, të cilët po evidetojnë personat që nuk respektojnë rregullat e vetëkarantinimit.
Gjithashtu qeveria shqiptare ka ndërmarrë një sërë masash, që nga mbyllja e lokaleve, pezullimi i aktiviteteve kulturore dhe sociale, mbyllja e shkollave.
Kryeministri Edi Rama njoftoi pak më parë se që nga ora 6 e mëngjesit të nesërm deri të dielën në mesnatë, do të pezullohet qarkullimi i makinave private.
