Artistët e njohur Ermal Fejzullahu dhe Filloreta Raçi-Fifi, kanë bashkuar forcat për një projekt të ri muzikor.
Për këtë projekt dyshja e artistëve na kishin lajmëruar kohë më parë por vetëm sot na kanë zbuluar disa detaje të reja në lidhje me këngën.
Përmes një postimi të fundit, Ermali njoftoi fansat se kënga e cila titullohet “Përjetësi” në bashkëpunim me Fifin, do të publikohet më 9 tetor.
Nuk e dimë nëse bëhet fjalë për një baladë apo një këngë ritmike, gjithsesi pritet që bashkëpunimi të fitojë zemrat e fansave.
Pak ditë më parë, Fifi publikoi edhe një foto të look-ut të ri, me të njëjtën veshje, teksa paralajmëronte projektin e ri me Ermalin.
Kujtojmë së Fejzullahu gjatë këtyre muajve ka shijuar udhëtimet në destinacione të ndryshme dhe nuk ka qenë shumë aktiv në muzikë.
Fifi ka qenë tepër aktive në muzikë këtë vit. Pas duetit me Young Zerkën, ajo publikoi këngën “Mbidozë” në bashkëpunim me Bllekin, por planet e saj janë akoma më të mëdha.