Më 31 janar, me vendimin e Këshillit të Ministrave u miratua paketa Anti-Kap çfarë të kapësh (Anti-KÇK) dhe disa ditë më vonë nxorri në terren forcën speciale Operacioni i Forcës së Ligjit.
Kjo e fundit nisi menjëherë operacionet dhe numëron në listën e saj dhjetra të tillë, duke ‘zënë’ në rrjetën e saj emra të njohur të botës së krimit.
Së fundmi, pas një seance të gjatë Kuvendi i Shqipërisë ka miratuar aktin normativ të propozuar nga Këshilli i Ministrave me 89 vota ‘Pro’, 17 vota ‘Kundër’ dhe 3 ‘Abstenim’.
Tashmë pas miratimit do të vendoset në zbatim me fuqi 1-vjeçare deri më 31 dhjetor dhe sipas mediave të ndryshme në listën e saj bëjnë pjesë mbi 1 mijë subjekte, teksa deri më tani janë zbuluar shuëm emra.
1300 persona në lupën e OFL! Zbardhet lista me emrat e papublikuar që do goditen së shpejti
Zbardhen emrat e të fortëve të Tiranës! Ja 52 personat që do kalojnë në ‘sitën’ e OFL
Ligji parashikon hetimin e 91 krimeve të parashikuara në Kodin Penal, nga vjedhja me armë, tek droga, grupi i strukturuar kriminal, vrasja, falsifikimet, plagosja, rrëmbimi, prostitucioni, terrorizmi, korrupsioni i çdo zyrtari publik e deri tek krimi zgjedhor.
Kjo strukturë ka të drejtë të nisë hetim pasuror për individët që dyshojnë se niveli i jetesës nuk mbulohet nga të ardhurat.
Me projektligjin e ashtuquajtur anti “Kap Çfarë të Kapim”, qeveria parashikon ndryshime thelbësore sa i përket kontrollit dhe përgjimit të personave të dyshuar si të përfshirë në akte kriminale apo terrorizëm.
