Ndërron jetë nga COVID-19 zyrtari i LSI-së, Meta:” Kurrë nuk kërkoi të përfitonte nga miqësia jonë”

Google+ Pinterest LinkedIn Tumblr +

Presidenti Ilir Meta ka njoftuar ditën e sotme se është ndarë nga jeta pasi ishte infektuar me COVID-19 ish-zyrtari i LSI-së dhe bashkëpunëtori i Presidentit Hekuran Doko.

Në një postim në rrjetin social Facebook, Meta shkruan se COVID-19 vazhdon të jetë rrezik e kërcënim për jetët tona dhe se është e rëndësishme për secilin të tregojë kujdes personal duke respektuar të gjithë masat e këshilluara nga ekspertët dhe të lehtësojmë punën e mjekëve e personelit shëndetësor në këtë betejë të gjatë e të vështirë.

“Ndaj dhimbjen për humbjen e një miku besnik e zemërmirë, Hekuran Dokos, i cili edhe pse arriti ta largojë virusin nga trupi i tij nuk arriti t’i mundë pasojat që i la. Hekurani ishte një bashkëpunëtor në kohë të vështira, i palëvizur në bindjet e tij. Ai kurrë nuk kërkoi të përfitonte nga miqësia jonë, përkundrazi la vend në zemrën e miqve të tij nga karakteri që kishte, integriteti dhe vlerat e larta njerëzore. U prehsh në paqe miku ynë Hekuran Doko! COVID-19 vazhdon të jetë rrezik e kërcënim për jetët tona. Është e rëndësishme për secilin të tregojë kujdes personal duke respektuar të gjithë masat e këshilluara nga ekspertët dhe të lehtësojmë punën e mjekëve e personelit shëndetësor në këtë betejë të gjatë e të vështirë. Njëkohësisht edhe institucionet shtetërore duhet të tregojnë më tepër përgjegjshmëri,”– shkruan Meta në statusin e tij.

Hekuran Doko

Hekuran Doko është nga Çorovoda e Beratit dhe ka jetuar në Fier. Ai ka studiuar në Universitetin e Tiranës si dhe ka kryer shkollim në Shkollën e Lartë Ushtarake. Doko ka punuar pranë strukturave të LSI-së.

Shpërndaje
Share.

Komento