Adelina Ismaili është diva e muzikës shqiptare, e cila për vite me radhë ka kontribuar me muzikën e saj në vendin tonë. Ajo ka sjellë me muzikën e saj më pranë njerëzve dhe situatën e rënduar politike në vitet kur Kosova ishte në luftë duke u bërë një heroinë në mënyrën e saj për atdheun.
Të gjithë e mbajmë mend këngën e famshme të Adelinës “Ushtrinë time do ta bëj me Ibrahim Rugovën” të cilën e kujtuam në ditën e krijimit të Ushtrisë së Kosovës në datën 14 dhjetor 2018.
Vetë Adelina u shpreh e emocionuar për krijimin e kësaj ushtrie të cilës ajo i kishte kënduar shumë vite më parë dhe intervista e saj për “Klan Kosova” lidhur me këtë ngjarje madhorë ka rezultuar mjaft e klikuar dhe këngëtarja e ka zbuluar përmes një postimi në Instagram.
“Ka kaq shumë reagime për pikëpamjet e mia politike! Mos vallë duhet të kandidoj për Presidente?” – ka shkruar Adelina në postimin e saj duke na lënë të dyshojmë se mbase shumë shpejt do ta shohim duke drejtuar Kosovën.
https://www.instagram.com/p/BsNceUEh6_s/
Mirëpo edhe pse komentet positive janë të shumta, ka dhe komente negative të cilave Adelina nuk përton t’u përgjigjet.
“Na mbyte me këto fjalime e mendime të mykëta. Adelinë ti mundesh me tregu për ndonjë gjë që ke bërë për njerëzit që janë vrarë për ty se nëse mbetesh me na tregu ti se kush e ka bërë ushtrinë neve na ….”
Pas këtij komenti akuzues dhe aspak dashamirës këngëtarja ka përcjellë një mesazh paqësor për komentuesen duke shkruar: “Mos e ndiq çdo hap timin se mund të nervozohesh kot. Nëse di diçka për vrasjet e mia, unë personalisht do ta shkruaj ty emrin si dëshmitare të dëshmosh në polici dhe gjykatë. Por mos ofendo është nivel shumë i ulët. Paqe” !/iconstyle
