Ditën e sotme Drejtori i Përgjithshëm i Policisë së Shtetit, Ardi Veliu ka dorëzuar dorëheqjen.
Ky vendim ka pasur shumë reagime, madje është aluduar se ai nuk ka dhënë dorëheqjen. Mbrëmjen e sotme gazetari investigativ, Artan Hoxha ka treguar disa detaje të reja. Sipas Hoxhës, Ardi Veliun e kanë detyruar që të japi dorëheqjen. Ndërsa nuk ka gjetur një arsye konkrete se pse Rama e mori këtë vendim, gazetari ka thënë se “surpriza” në të gjithë këtë ngjarje është personi që do ta zëvendësoj Ardi Veliun.
“Sot jemi pa drejtor të përgjithshëm policie. Unë dua të kuptoj çfarë po gatuan në krahun tjetër. E mban mend kur e hoqi Lleshajn, e përdori në një situatë kur u vendos në presion publik, si rasti i Klodian Rashës, dolët në protestë, ja ku e keni “kokën e turkut”. Fatmir Xhafaj e solli Ardi Veliun, me të cilin bëri dy palë zgjedhje dhe përballoi të gjitha protestat pas daljes së opozitës nga parlamenti.
Pse tani? Ardi Veliu nga shkresa kupton që është vetëdorëhequr. Rama vendosi në këto momente. Unë nuk kam kuptuar arsye të dukshme. A thua ra avioni? Nuk është hera e parë. Ka ndonjë situatë të jashtëzakonshme? Jo. Nuk ka pasur. Pra, Rama ka vendosur, ka gjetur këtë zgjidhje me dorëheqje. Jemi para faktit të kryer. Meqë iku Veliu sot, nesër nuk do të trafikohet kokainë, heroinë, apo nuk do të ketë ngjarje?
Po, do të ketë. Për mua njeriu që është përgjegjësi direkt është kryeministri i vendit, që punon me ËhatsApp. Dhe kur punon me këtë standard mos prit për standarde e dokumente. Surpriza e vetme është me cilin do ta zëvendësojë” tha Artan Hoxha duke komentuar emrat që kanë dalë në media. “Zakonisht kur duan ta djegin dikë e nxjerrin emrin në media” tha gazetari, Artan Hoxha nw “Log”.
