Konferenca e Donatorëve për Shqipërinë e thirrur nga presidentja e Komisionit Europian, Ursula von der Leyen, i kaloi pritshmëritë.
Shtetet më të fuqishme të botës dhuruan 1.15 miliardë euro për Shqipërinë, në formën e huave, projekteve dhe granteve.
Menjëherë pas Konferencës, von der Leyen shkroi në Twitter, se ky ishte një lajm i mirë për shqiptarët.
Më tej ajo u shpreh, se BE ka një marrëveshje me qeverinë shqiptare, për t’u siguruar që parimet bazë të rindërtimit të respektohen.
Ndër të tjera presidentja e KE tha se do të dërgohen në Shqipëri ekspertë europianë, për të monitoruar zbatimin në mënyrën e duhur të rindërtimit.
“Ne do të kemi një marrëveshje me qeverinë e Shqipërisë. Folëm për këtë gjë, për t’u siguruar që parimet bazë të rindërtimit të respektohen. Ne jemi të interesuar për progresin e vendit, dhe unë kam ofruar gjithë mbështetjen time që ta kalojmë këtë proces së bashku. Ne kemi punuar shumë për të shtruar rrugën që këtë vit të arrijmë suksesin që dëshirojmë. Ne do të përcaktojmë parimet kyçe të transparencës. Të dy duam që kjo shenjë e jashtëzakonshme me popullin shqiptar, të investohet në mënyrën e duhur, transparente, jemi të gatshëm të dërgojmë ekspertët tanë për ta zbatuar në mënyrën e duhur. Këtë marrëveshje do ta nënshkruajmë së bashku“, tha von der Leyen.
Pas Konferencës, kryeministri Edi Rama nuk i fshehu emocionet, teksa falenderoi të gjithë kontribuesit.
Më tej shefi i qeverisë tha se shuma e mbledhur është përtej fantazisë së tij.
Për më shumë informacion lexoni këtu.
