Blendi Teta ‘zbërthehet’ para hetuesve, shpallen në kërkim 4 persona për atentatin ndaj ish-policit

Google+ Pinterest LinkedIn Tumblr +

Pas arrestimi të Blendi Tetës, policia ka shpallur në kërkim 4 persona, si të implikuar në vrasjen e ish-policit, Santiago Malko.

Sipas “Faxnews”, personat e shpallur në kërkim janë Erlis Duka, Ilir Selmani, Elvis Gaçaj dhe Oltian.L.

Një tjetër i implikuar në atentatin ndaj Malkos është edhe Ervis Metani ose i njohur ndryshe si “Visi i vogël”, i cili dyshohet se është pronari i mjetit tip “Golf”, me të cilin u krye krimi.

Metani nuk është një emër i panjohur për policinë, pasi është kapur pak kohë më parë me një sasi të konsiderueshme droge në zonën e Linzës në Tiranë.

Mendohet se këto persona janë shpallur në kërkim, pas dëshmive të Tetës.

Ky i fundit dyshohet se ka informuar autorët për lëvizjet e ish-policit.

Edhe pse i arrestuari ka mohuar çdo gjë, kamerat e sigurisë e kanë kapur pranë vendit ku ndodhi ngjarja.

Kujtojmë këtu se atentati ndaj Malkos u regjistrua mbrëmjen e 27 gushtit në zonën e Porcelanit në Tiranë.

Sipas policisë, plumbat kanë dalë nga një “Benz” ngjyrë gri, ku brenda tij ndodheshin dy persona të maskuar, të cilët janë kapur nga kamerat e policisë.

Ato qëlluan me breshëri ndaj automjetit ku ndodhej Malko, ku dy prej plumbave kanë prekur organet e tij jetësore.

Ndërkohë në dëshminë e dhënë nga Blendi Teta, nuk zbardhet plotësisht se cili nga personat e shpallur në kërkim ka qëlluar.

Në rrëfimin e tij përpara hetuesve, 39-vjeçari ka zbuluar se përpara se të ndodhte atentati ka darkuar me këta persona, në bodrumin e një lokali pranë teleferikut, në pronësi të Leondard dhe Erlis Dukës.

Ai ka treguar të gjitha lëvizjet e makinave të përdorura në atentat, ndërsa sipas tij, sapo ka kuptuar se do të ndodhte diçka e keqe është larguar për në banesën e bashkëjetueses së tij në “Don Bosko”.

Shpërndaje
Share.

Komento