Atleti Izmir Smajlaj ka arritur suksesin e radhës në karrirrën e tij. Ai fitoi mbrëmjen e sotme një tjetër medalje ari, e treta për të vetëm në dy muajt e parë të vitit 2021. Smajlaj ia doli të regjistronte rezultatin 7.91 në kërcim së gjati në mitingutn ndërkombëtarë të sallave të mbyllura që u mbajt në kryeqytetin serb, Beograd. Më herët atleti shqiptar nuk u prit aspak mirë në garën e mbajtur, teksa para çdo kërcimi nuk mori asnjë duartrokitje. Por atleti ia doli që t’u jepte të gjithëve një mësim të mirë duke arritur rezultatin më të lartë në garë dhe duke marrë vendin e parë në podium. Smajlaj nuk ishte i vetmi që fitoi medalje në event pasi edhe atleti Franko Burraj arriti të fitonte një medalje argjendi. Ai zhvilloi gjithashtu një paraqitje shumë të mirë në garën e 400 metrave , duke e ndalur kronometrin në kohën 47:45 dhe e humbi vendin e parë vetëm për një deferencë mjaft të vogël në kohë.
Vetëm pak ditë më parë Smajlaj kishte marrë një tjetër medalje ari duke u shpallur kampion Ballkani në Kampionatin Ballkanik të Sallave të Mbyllura. Më pari ai kishte fituar medaljen e arit edhe në Mitingun Ndërkombëtar në Austri, event që u mbajt në janar.
