Gjykata e Apelit në Katania me vendimin e marrë ditën e sotme, ka dënuar me 15 vite e 5 muaj burg Moisi Habilajn, me akuzën e trafikut të drogës.
Me këtë vendim, Gjykata e Apelit të Katanias, ka lënë në fuqi vendimin e shkallës së parë për këtë të fundit.
Ndërkohë përgjatë kohës që Habilaj ishte në arrest shtëpie, hetimet kanë vazhduar.
Po ashtu së bashku me Moisi Habilajn është dënuar edhe Nezar Seiti (6.8 vite), Meridian Sula (8 vite), Antonino Riela, Angjelo Buzaka, Xhuzepe Greko, Xhanluka Pasavanti dhe Vinccenso Spanpinaton.
Në gjykimin e Shkallës së Parë Meridian Sula u dënua me 7.4 vite ndërsa Nezar Seiti me 6.4 vite burg.
Kujtojmë që Moisi Habilaj është konsideruar kreu i bandës së narkotrafikantëve italo-shqiptare. Vëllai i tij Florian Habilaj vazhdon që të jetë në kërkim ndërkombëtar./Gazetareforma.com/
