10 vjet më parë u libralizuan vizat për Shqipërinë ng BE. 50 të rinj dhe të reja ishin shqiptarët e parë që udhëtuan pa viza drejt Brukselit. Sot shqiptarët gjenden më të kufizuar për të lëvizur jashtë kufijve për shkak të pandemisë Covid-19. Ndërkohë, që ka pasur edhe shtete si Holanda që kanë kërkuar vendosjen e vizave për Shqipërinë.
Vetëm me pasaporta e tyre biometrike në duar ata bënë check-in në aeroportin e Rinasit pa patur nevojë për asnjë lloj vize dhe me një avion të linjës Tiranë-Bruksel udhëtuan drejt kryeqendrës së BE-së. Pas një udhëtimi prej gati 2 orësh, avioni zbriti në aeroportin e Brukselit.
Ai udhëtim vazhdoi edhe më tej. 50 të rinjtë shqiptarë vizituan edhe ambientet e Komisionit Europian, ku në çdo takim që patën me zyrtarët e lartë të Brukselit morën garancitë nga ata se Shqipëria, vendi i tyre, ishte në rrugë të drejtë për marrjen e statusit kandidat, pavarësisht se vetëm 20 ditë më pas ëndrrat pësuan një thyerje të fortë për shkak të protestave të 21 Janarit 2011.
Pas Brukselit, 50 të rinjtë dhe ish ministri i Brendshëm Lulzim Basha udhëtuan edhe drejt Romës. Një vizitë në Farnesina (ndërtesa e Ministrisë së Jashtme të Italisë) ku nën kujdesin e vet ish shefit të diplomacisë italiane Franco Frattini atyre iu dha mundësia të shikonin me sytë e tyre edhe dokumentin orgjinal të themelimit të Bashkimit Europian me firmën origjinale të Robert Shuman që ruhej pikërisht në atë ndërtesë në perfieri të Romës.
Sot 10 vjet më pas, gjendemi më të izoluar dhe Evropa duket një destinacion i largët.
