Ditën e sotme do të mblidhet Këshilli i Lartë i Gjyqësorit, pas arrestimit të gjyqtarit të Fierit, Roland Hysi.
Pritet që KLGJ të pezullojë gjyqtarin e akuzuar për ryshfet.
Gjyqtari Hysi u arrestua pas publikimit të denoncimit ndaj tij, në emisionin “STOP” , në të cilin ai shfaqej teksa i kërkonte nënes së divorucar rryshfet e marrëdhënie seksuale në këmbim të dhënies së kujdestarisë së fëmijës.
Policia përveç 50 vjeçarit, ka vënë në pranga dhe psikologen, e cila luante rolin e sekseres.
Ndaj dy të arrestuarve rëndojnë akuzat e “Korrupsionit pasiv të gjyqtarëve prokurorëve dhe funksionarëve të tjerë të organeve të drejtesisë” dhe “Ushtrimit të ndikimit të paligjishëm të personave që ushtrojnë funksione publike”.
Në videopërgjim, gruaja, denoncuese tregon gjithë kalvarin që i është dashur të përballojë, duke blerë me euro fëmijën e saj. Gjyqtari i Fierit Roland Hysi i kërkon seks për t’i dhënë kujdestarinë e fëmijës. Po kështu zonja i jep psikologes 500 euro për Hysin, duke i premtuar edhe 500 euro të tjera në mbyllje të gjyqit.
