Një aksident i rëndë rrugor ka ndodhur këtë të diel në lagjen “Gurra” të Lezhës, ku një automjet ka përplasur një grua teksa po kalonte në vijat e bardha.
E plagosura është dërguar me urgjencë në Spitalin Rajonal të Lezhës dhe raportohet të jetë në gjendje të rëndë shëndetësore.
Policia ka mbërritur menjëherë në vendin e ngjarjes dhe ka nisur hetimet për të përcaktuar shkaqet dhe dinamikën e aksidentit.
Njoftimi i policisë:
Lezhë – Aksident në lagjen “Gurra”, përplaset një këmbësore në vijat e bardha.
Një aksident i rëndë ka ndodhur paraditen e sotme në lagjen “Gurra” të qytetit të Lezhës, ku një automjet ka përplasur një këmbësore teksa ajo po kalonte në vijat e bardha.
E dëmtuara është transportuar me urgjencë në Spitalin Rajonal të Lezhës dhe ndodhet në gjendje kritike për jetën.
Policia ndodhet në vendngjarje dhe ka nisur hetimet për zbardhjen e plotë të rrethanave të aksidentit.
