Prokurorja e rastit, Oliana Gjergjefi, ka reaguar lidhur me sherrin mes dy 17-vjeçarëve në një gjimnaz të Fierit, ku njëri prej tyre mbeti i plagosur.
Ajo ka deklaruar se janë marrë dëshmitë e dy mësueseve të pranishme gjatë konfliktit, dhe është kryer kqyrja e vendit të ngjarjes.
Prokurorja tha për mediat se janë pyetur dëshmitarët okularë dhe se do të garantohet një hetim i plotë dhe i gjithanshëm për ngjarjen e rëndë.
“Kam pyetur dëshmitarët okularë, dy mësuese të cilat kanë qenë të pranishme gjatë konfliktit. Ngjarja është e rëndë dhe garantojmë një hetim të plotë e të gjithanshëm,” tha prokurorja.
