Partia Demokratike ka publikuar sot dokumentet se Erion Veliaj po vjedh taksat për shërbimin e pastrimit të të Eco Tirana.
Denoncimin e ka bërë demokratja Genta Vangjeli nga Departamenti i Antikorrupsionit në PD, e cila ka dhënë provat për këtë akuzë.
“Eco Tirana, një kompani e dyshimtë, po aq sa vetë Erion Veliaj, regjistruar në QKB në korrik 2016, me objekt “Manaxhimi i shërbimeve mjedisore dhe jo vetëm..” me pronarë AGSM Holding ALBANIA, me 49% të aksioneve, përbërë nga AGSM AIM 75% dhe AMIA Verona 25%, e lidhur me ‘Ndraghett.
Në maj 2021 AGSM HOLDING ALBANIA sha vendos të mbyllë të gjitha aktivitetet e shoqërisë duke shoqëruar procesin me çdo tagër tjetër që parashikon ligji dhe statusi shndërrohet nga aktiv në shoqëri në likujdim e sipër.
Pronari tjetër është Bashkia Tiranë me 51 përqind.
Në dhjetor 2023 për shkak të procedimit penal zëvendësohen Taulant Tusha dhe Redi Molla. Administrator shqiptar i kësaj shoqërie është znj. Anjeza Çapllani, njëherësh një nga pronarët e PROPER PLACE 1 shpk.
Eco Tirana është paguar nga Bashkia Tiranë me 35.3 miliard lekë për shërbime pastrimi të qytetit me anë të kontratës nr. 27496 dt 09.09.2016, afati i të cilës rezulton në fuqi për pothuaj 8 vite.
Ndërkohë Bashkia Tiranë ka kontraktuar 11 operatorë privatë për 51 procedura prokurimi me të njëjtin objekt, pra për shërbimet e pastrimit (32 procedura me negocim pjesa tjetër të hapura), të ndara në 4 zona në Tiranë plus nëntokën dhe terminalet, duke shpenzuar 60 miliard lekë ose 582.5 milion euro.
Siҫ shihet nga tabela që do t’ja dërgojmë medias të detajuar, Eco Tirana është fasada që mbulon kontratat prej 582 milion euro që u jepen kompanive private për pastrimin e kryeqytetit. Këto të fundit rezultojnë të investuara edhe në dhjetra kontrata të tjera publike njëherazi.
Erion Veliaj duhet të sqarojë publikun pse kompania e maskuar Eco Tirana është përfshirë edhe vetë në ekzekutimin e këtij procesi dhe është paguar nga Bashkia Tiranë 35.3 miliard lekë deri tani për shërbime të pastrimit dhe gjelbërimit, ndërkohë që janë prokuruar dhe lidhur 51 kontrata me operatorë privatë kundrejt vlerës 60 miliard lekë për të njëjtin shërbim.
Spak duhet të nisë hetimet se përse janë shpenzuar 60 miliard lekë për kontrata prokurimi për shërbime pastrimi dhe përse Bashkia Tiranë drejtuar nga Veliaj paguan Eco Tirana me pronar po Erion Veliajn 51%, kundrejt vlerës 35.3 miliard lekë. Paratë e taksave të qytetarëve për Eco Tirana shkojnë në xhepin e Veliajt, një pjesë e parave të operatorëve privatë shkojnë në xhepin e Veliajt, apo të dyja bashkë.
DOKUMENTET:
Kontrata me negocim dt 22 shkurt 2016 Pastrimi i pjesës Lindore – 2 të Qytetit të Tiranës me vlerë 557 milion lekë , kontraktor Shoqëria “T.T.A alba Lam” shpk
Shtesë kontrate me negocim dt.01 Dhjetor 2015 Shtesë Kontrate për objektin: Pastrimi i pjesës Perëndimore -2 të qytetit të Tiranës, me vlerë 414 milion lekë, kontraktor Fusha shpk
Shtesë kontrate me negocim dt.11 Dhjetor 2015 Shtesë Kontrate për objektin: Pastrimi i pjesës Lindore -2 të qytetit të Tiranës me vlerë 442 milion lekë, kontraktor Shoqëria “T.T.A alba Lam” shpk
Shtesë kontrate me negocim dt.11 Dhjetor 2015 Shtesë Kontrate për objektin: Pastrimi i pjesës Lindore-1 të qytetit të Tiranës me vlerë 291 milion lekë, kontraktor Shoqëria “Infinit Constructions” shpk
Shtesë kontrate me negocim dt.11 Dhjetor 2015 Shtesë Kontrate për objektin: Pastrimi i pjesës Perëndimore -1 të qytetit të Tiranës me vlerë 428 milion lekë, kontraktor Shoqëria “Korsel” shpk
Kontrata me negocim dt 12 shkurt 2016 Pastrimi i pjesës Perëndimore – 2 të Qytetit të Tiranës, me vlerë 530 milion lekë , kontraktor Shoqëria “FUSHA shpk
Kontrata me negocim dt 22 shkurt 2016 Pastrimi i pjesës Perëndimore – 1 të Qytetit të Tiranës, me vlerë 515 milion lekë , kontraktor Shoqëria “KORSEL” shpk
Kontrata me negocim dt 22 shkurt 2016 Pastrimi i pjesës Lindore – 1 të Qytetit të Tiranës, me vlerë 354 milion lekë , kontraktor Shoqëria “Infinit Constructions” shpk
E hapur dt.3 Maj 2016 Pastrimi i pjesës Perëndimore – 2 të Qytetit të Tiranës, me vlerë 2 miliard lekë, kontraktor Fusha shpk afati 365 dite.
E hapur dt.3 Maj 2016 Pastrimi i pjesës Lindore – 2 të Qytetit të Tiranës, me vlerë 1.8 miliard lekë, kontraktor “T.T.A Alba Lam” shpk , afati 365 dite.
E hapur dt.6 Qershor 2016 Pastrimi i pjesës Perëndimore – 1 të Qytetit të Tiranës, me vlerë 2 miliard lekë, kontraktor “KORSEL” shpk , afati 365 dite.
E hapur dt.18 Gusht 2016 Pastrimi i pjesës Lindore – 3 të Qytetit të Tiranës, me vlerë 1.9 miliard lekë, kontraktor “DION AL” shpk , afati 365 dite.
E hapur dt.18 Gusht 2016 Pastrimi i pjesës Perëndimore – 3 të Qytetit të Tiranës , me vlerë 2.2 miliard lekë, kontraktor ““Alko-Impex General Construction, afati 365 dite.
Shtesë kontrate me negocim dt.13 Shtator 2016 Shtesë Kontrate për objektin: Shtesë kontrate: për objektin “Shërbimi i pastrimit publik, (Zona Unaza e Re), Njësia Administrative, Kashar, Tiranë”, (Numri i kontratës fillestare 12619/1, Data e lidhjes se Kontrates fillestare 15.09.2015, Vlera totale përfundimtare e kontratës fillestare 31667908 lekë me TVSH.) me vlerë 63 milion lekë, kontraktor Shoqëria “Dion Al” shpk
