Ditën e sotme fermerët polakë kanë bllokuar rrugët kryesore të Varshavës me traktorët e tyre në përshkallëzimin e protestave kundër rregulloreve mjedisore të BE-së dhe importeve të lira të ushqimit nga Ukraina fqinje, të cilat BE pranoi përkohësisht t’i zgjaste.
“Marrëveshja e Gjelbër është e barabartë me vdekjen e bujqësisë polake”, shkruhej në disa nga pankartat e fermerëve, duke iu referuar kështu planit të bllokut për të trajtuar ndryshimet klimatike.
Sipas tyre fermerët e Ukrainës po sjellin në Europë importe të lira dhe nuk po i lejojnë fermerët europian të konkurrojnë në treg.
“Ne kërkojmë tërheqjen e “Marrëveshjes së Gjelbër” në tërësi, ne kërkojmë tërheqjen e “Fit for 55″ (plani i BE-së për klimën), kufijtë për të gjitha emetimet, të gjitha ndalimet dhe urdhrat,” tha organizatori i protestës Lukasz Komorowski.
Kujtojmë se BE arriti një marrëveshje të përkohshme për të zgjatur aksesin pa tarifa të prodhuesve të ushqimit ukrainas në tregjet e saj deri në qershor 2025 – megjithëse me kufizime të reja në importet e grurit.
Policia polake tha se dinte për më shumë se 580 protesta të planifikuara për të mërkurën, me një pjesëmarrje prej 70,000 personash.
