FNSH dhe RENA kanë zbarkuar për disa ditë radhazi në Vlorë, që pas vrasjes së Gëzim Sinomatit pak ditë më parë.
Ditën e sotme raportohet se kontrollet janë zhvilluar në disa zona të Himarës, ndërsa në “lupë” kanë qenë automjetet luksoze.
SHumë persona janë ndaluar dhe shumë të tjerë janë si të dyshuar për ngjarjen e rëndë, ku mbeti i vrarë 22-vjeçari.
Pak ditë më parë kontrolle ka patur edhe në disa banesa, ndërsa numri i të shoqëruarve për ngjarjen e rëndë deri tani ka shkuar në 30 persona.
Këto masa po zbatohen nga policia pasi ministri i Brendshëm reagoi duke kërkuar nga forcat blu të hartojnë një plan masash për kontrolle të imtësishme.
