Ish-ministri Ilir Beqaj është thirrur sot sërish në SPAK për çështjen e sterilizimit. Ai ka dalë nga dyert e Prokurorisë së Posaçme pas më shumë se 8 orësh.
Në një prononcim për mediat, Beqaj u shpreh se hetimet për koncesionin e strelizimit janë ende të ngushta dhe se duhet të ndahen në dy faza ky hetim.
“Nisja e atyre çfarë pretendohet në masën e sigurisë ndaj meje, janë raportet e KLSH-së. Gjithashtu besoj se hetimet, janë ende shumë të ngushta. Është e domosdoshme që ato të shtrihen në dy pjesë. Së pari, nga marsi i 2011 deri në shtator 2013 për të hetuar pse dy vite e gjysmë u mbajt në qese ai central dhe nuk u vu në punë.
Por, tashmë janë bërë 8 vjet nga zbatimi i kontratës për të hetuar kush janë përfitimet e drejtpërdrejta të qytetarëve dhe buxhetit të shtetit nga zbatimi i kësaj kontrate. Sot komunikuam me prokurorët dhe më konfirmuan që do të kem ato sende që mu sekuestruan më 28 tetor, por që lidhin me vazhdimin e sterilizimit, dy dokumente udhëtimi me jashtë shtetit që sot i mora dhe e dyta pasi të përfundojnë inspektimet elektrike të pajisjeve do të më kthehen. Sot u sqarua që gazi dhe aneksi 8, kanë lidhje me sterilizimin dhe asgjë tjetër”, tha Beqaj.
Gjithashtu ish-ministri i Shëndetësisë bën me dije se ende nuk ka përfunduarfaza e Beqaj marrjes në pyetje dhe se do të thirret sërish, madje do t’i sekuestrohen dhe sende të tjera personale.
Kjo është hera e tretë që Beqaj është thirrur në gjykatën e Posaçme. Kujtojmë se janë në burg dy zyrtarë në lidhje me koncesion e sterilizimit. Të gjitha dyshimet e SPAK janë duke u hetuar, si dhe roli i Beqajt në koncesionin e chek-up it”.
