Vajza e liderit të opozitës, Argita Malltezi ka përshëndetur sot të gjithë simpatizantët e Sali Berishës, të cilët janë mbledhur sot poshtë shtëpisë së tij për t’i treguar mbështetjen e tyre edhe pse ai është në arrest shtëpie.
Vajza e ish-kryeministrit u shpreh për mediat se nuk ekzistojnë pranga që mund të burgosin lirinë. Ajo tha se viti 2024 do të sjellë fitore për opozitën.
“Ju falënderoj për ardhjen dhe gjithë angazhimin tuaj këto ditë të para të Vitit të Ri. Të nisësh 2024-ën me një sfidë të tillë është shumë e vështirë por dhe motivuese, nuk ka pranga sistemi që mund të burgosin lirinë tuaj, ju jeni misionarët e lirisë suaj, që nga kjo rrugicë do të shtrihet në çdo cep të vendit. Kjo është beteja që do ta fitoni. Jam e bindur që Zoti këtë vit ka plane shumë të bukura për Shqipërinë”, u shpreh Malltezi.
