Sot GJKKO ka marrë vendimin që ish-kryeministri, Sali Berisha t’i jepet masa “arrest shtëpie” dhe ndalim i komunikimit, përveç me anëtarët e familjes.
Kujtojmë se ai akuzohet se ka shpërdoruar detyrën dhe ka shkelur një sërë veprash penale lidhur me privatizimin e ish-klubit sportiv Partizani.
Lidhur me këtë vendim, kanë folur avokatët e Berishës për mediat. Ishte Genc Gjokuatj ai që u shpreh se ky vendim do të apelohet, pasi sipas tij moslejimi i komunikimeve është privim i të drejtave dhe lirive për një deputet. Ai tha se duhej autorizim nga Kuvendi.
“Ky ishte vendimi sot. Ajo që ishte shqetësuese është se ky vendim vjen me ndalim komunikimi për një deputet. Duhet të ishte marrë autorizim i veçantë nga kjo gjykatë. Pritej se kjo gjykatë ka bërë dhe shkelje më të mëdha. Vendimi ishte i thatë; ndalimi i komunikimit, dhe lejimi vetëm me familjarët që bashkëjeton”, tha ai.
