Prej disa ditësh shumë faqe të rëndësishme të institucioneve në vend janë janë funksionit për shkak të sulmeve kibernetike.
Sot janë hakëruar disa faqe të tjera si ajo e KLSH-së, Tatimet, ILDKPI. Sulmin kibernetik e ka pohuar dhe AKSHI, e cila shprehet se janë bllokuar përkohëshsit faqet pubike të këtyre institucioneve.
Sipas AKSHI-t, sulmet nuk kanë lidhje me sigurinë e sistemeve e të dhënave, por vetëm me faqet zyrtare.
“Informojmë opinionin publik se aktualisht gjendemi nën sulme masive, të shpërndara të formatit ‘Distributed Denial-of-Service’ (DDoS) duke bllokuar rrjetin me tentativa ilegjitime aksesimi të faqeve publike. Situata është rikthyer në normalitet pas rreth 60 minutash dhe faqet qeveritare janë sërish në funksion të plotë. Theksojmë se sulme të tilla nuk kanë asnjë lidhje me sigurinë e sistemeve dhe të dhënave në to, por vetëm me bllokimin e faqeve publike.
Prej kohësh Shqipëria ka qenë nën vëmendjen maksimale të sulmuesve dhe keqbërësve kibernetikë. Siguria kibernetike dhe e informacionit është një nga sfidat më të mëdha në epokën digjitale. Identifikimi në kohë i kërcënimeve, reagimi i shpejtë, dhe forcimi i sigurisë është një proces kompleks i cili kërkon vëmendjen e duhur dhe marrje masash të përshtatura sipas kohës dhe mënyrës së sulmeve, rast pas rasti”, thuhet në njoftim.
