Kryetari i Partisë së Lirisë Ilir Meta u shpreh optimist se zgjedhjet vendore do t’i fitojë koalicioni opozitar “Bashkë Fitojmë”. I ftuar në emisionin “Të Paekspozuarit” në Mcn tv, Meta tha se pas dy javëve regjimi i Ramës do të marrë fund.
“Pritshmëritë janë të jashtëzakonshme. Sot dy javë ky rregjim monist vendor që kontrollon me emërime pa zgjedhje, 100 për qind të bashkive dhe këshillave bashkiake, ka përfunduar. Ky është një lajm i mirë për të gjithë shqiptarët, jo vetëm për ata që janë në opozitë, sepe nuk do të ketë më një shpërdorim të tillë të taksave, të të ardhurave që krijohen nga pushteti vendor, apo të investimeve, siç ka ndodhur deri tani. Ky është një lajm shumë i mirë për të tërë. Jam i bindur që sot dy javë korrupsioni absolut në pushtetin vendor do të zëvendësohet me transparencën absolute. Ky është një angazhim programor. Nuk do të ketë më mbledhje të këshillave bashkiake që bëhen fshehurazi, vendosje taksash që bëhen fshehurazi, çdo gjë do të jetë para mediave dhe qytetarëve që të garantojmë një transparencë absolute jo vetëm për 4 vitet që vijnë, por për përgjithmonë në pushtetin vendor”, tha Meta.
Në vijim ai sqaroi strukturën e shpenzimeve në Bashkinë e Tiranës se si ka qenë në 2016 dhe si është sot.
Janë shtuar shpenzimet për ahengje për paga. Investimet nga 34% në 2016 kanë përfunduar në 18%. Në 2016 kishte 4 mijë të punësuar, sot ka 8 mijë. Shkodra do të votojë këtë. Ky i hoqi Shkodrës drejtorinë e Arsimit. I ka hequr arkivën, drejtorinë e ujërave, çfarë t’i thotë Shkodrës ai,” tha Meta
