Një ngjarje e rëndë ka ndodhur ditën e sotme në Vorë, ku një burrë ka qëlluar gruan e tij me sëpatë. Ngjarja e rëndë ka ndodhur në fshatin Breg Shkozë.
Bëhet me dije se burri ka qëlluar gruan e tij me sëpatë, pasi një konflikti me motive të dobta. E moshuara është dërguar në spital për të marrë ndihmë mjekësore, ndërkohë që nuk dihet se si është gjendja e saj.
Qazim Budlla është 72-vjeçari që qëlloi gruan e tij me sëpatë në kokë. Pas një konflikti me motive të dobta, Budlla mori sëpatën dhe qëlloi mbi gruan e tij, 69-vjeçarës Vasilika Budlla.
E moshuara është dërguar në spitalin e Traumës dhe po merr ndihmë shëndetësore më të specializuar. Ajo ndodhet jashtë rrezikut për jetën.
Gjithashtu bëhet me dije se detaje të reja kanë dalë nga ngjarja e rëndë që ka ndodhur në Vorë. Mësohet se 72-vjeçari Qazim Budlla dyshohet se vuan nga probleme të shëndetit mendor.
Ndërkohë që mësohet që kjo nuk është hera e parë që ai e ka dhunuar gruan e tij. Kjo pasi ajo kishte në trup shenja të shumta të dhunës. Fillimisht e moshuara Vasilika Budlla është dërguar në qendrën shëndetësore të Fushë Krujës për të marrë ndihmën e parë dhe më pas është dërguar në spitalin e Traumës.
