Ditën e sotme Nënkryetari i Partisë së Lirisë, Petrit Vasili, tha se Edi Rama ka shkelur ligjin për premtimet që ka bërë për rritje pagash dhe pensionesh në prag zgjedhjesh.
Ai u shpreh se në kodin zgjedhor është e përcaktuar qartë se para zgjedhjeve nuk mund të nxirret asnjë akt që parashikon rritje pagash, pensionesh, ndihmë ekonomike apo veprime të tjerë me karakter ekonomik.
“Kodi zgjedhor është shkelur. Si asnjëherë më parë në Kod janë vënë specifikime aq të qarta… pika përkatëse thotë ‘ndalohet propozim, miratimi apo nxjerrja të akteve që parashikojnë rritje page, pensionesh, asistencë, etj. Vetëm në rast fatkeqësie natyrore apo në raste të jashtëzakonshme. Lidhur me 50 mijë lekshin e pensionistëve, jemi të lumtur pafund. Por pse nuk ua dha pensionistëve ndërkohë që kompensoi të gjithë tenderxhinjtë e tij?! Ca kuptimi ka kjo? Elektoral! Ky është vendim i parealizueshëm dhe i turpshëm.
A u shkatërro pa ligj “Presige”? Në këtë rast nuk është jo gjëja më e rëndë, se ishalla të japë për pensionistët, por problemi qëndron që shqiptarët duhet të kuptojnë që kanë një njeri që është antiligj vetë”, tha Vasili.
Kujtojmë se në një komunikim me gazetarët kreu i qeverisë shqiptare tha se pensionistëve në prill do iu jepet 5 mijë lekë të reja plus pensionin e tyre, një lëmoshë kjo krahasuar me vlerën e taksave që ka mbledhur nga eksportuesit e mëdhenj të energjisë.
“Do flasim për një rritje pagash që synon ngritjen në harkun e këtyre dy viteve, të Shqipërisë në nivelin e lartë të rajonit. Synojmë të realizojmë një target të një page mesatare prej 900 eurosh që do të thotë se jemi në kushtet e një mundësie të re, një mundësi që do ta shfrytëzojmë maksimalisht në mundësi të njerëzve dhe pas rritje së pagës minimale mund të shkojmë drejt rritjes së pagës mesatare. Do të kemi një rritje tani së shpejti për një pjesë të shkallëzuar, detajet do i diskutojmë pas aktit të miratimit, për një periudhë për 15 vitet e ardhshme. Do i qëndrojmë zotimit për rritjen e pagës së mjekëve dhe infermierëve me 7%. Ndërkohë që mjekëve specialistë paga iu rrit me 50 mijë leke të reja çdo muaj. Më pas do shkojmë te rritja e konsiderueshme.
Për të tjera kategori do kemi rritje të tjera. Jemi në kushtet kur mund t’ju themi se pensionistëve se zotimin për të shpërndarë drejt tyre taksën e jashtëzakonshme që vumë mbi eksportuesit e mëdhenj të energjisë do ta mbajmë sikundër e thashë dhe më parë. Sot nuk kemi vetëm zotimin e përgjithshëm, por dhe informimin konkret se për pensionistët do ketë dhe 5 mijë lekë të reja që do shkojnë bashkë me pensionet që do marrin herën e ardhshme.”, tha ai.
