Ditën e sotme sulmi i ndodhur me Kallashnikovë ndaj godinës së Top Channel, ka prekur rëndë opinionin publik ku të shumta kanë qenë edhe reagimet.
Lidhur me këtë ngjarje ka reaguar edhe Autoriteti i Mediave Audiovizive. Në një deklaratë publike AMA e ka cilësuar këtë ngjarje si një sulm ndaj demokracisë, lirisë së fjalës dhe mendimit.
AMA ka shprehur ngushëllimet për familjen e punonjësit që humbi jetën nga ky agresion dhe qëndron në krah të të gjithë ekipit të televizionit në këto momente të vështira.
Gjithashtu autoriteti i medias ka kërkuar nga institucionet ligjzbatuese që të përparojnë me shpejtësi për ndriçimin sa më pare të rrethanave dhe autorët të vihen para përgjegjësisë ligjore.
Reagimi i AMA-s:
Ngjarja e mesnatës së kaluar, kur godina e televizionit Top Channel ishte objekt një sulmi me armë zjarri, me pasojë humbjen e jetës së një punonjësi të sigurisë, po përcillet me shumë shqetësim nga Autoriteti i Mediave Audiovizive. Goditja e një mjedisi mediatik është një goditje ndaj demokracisë, ndaj lirisë së fjalës dhe mendimit.
AMA shpreh ngushëllimet për familjen e punonjësit që humbi jetën nga ky agresion i papranueshëm dhe qëndron në krah të të gjithë ekipit të televizionit në këto momente të vështira.
AMA kërkon nga institucionet ligjzbatuese që të përparojnë me shpejtësi për ndriçimin sa më pare të rrethanave dhe autorët të vihen para përgjegjësisë ligjore.
