Dita e sotme shënon plot 12 vite nga 21 janari i vitit 2011 ku humbën jetën 4 qytetarë, Ziver Veizi, Hekuran Deda, Aleks Nika dhe Faik Myrtaj teksa protestonin para kryeministrisë.
Gazetari i kronikës Artan Hoxha publikoi disa përgjime që tregonin qartë se urdhri për vrasjet e 21 Janarit të vitit 2011 ishin dhënë nga lart.
Përgjimet i përkasin një kanali radiojeje, ku ishte pjesë vetëm, kreu i Gardës në atë kohë Ndrea Prendi me vartësit e tij, si dhe Drejtori i Përgjithshëm i Policisë së Shtetit dhe Drejtori i Policisë së Tiranës në atë kohë. Sipas gazetarit, ai material është ruajtur nga një vend aleat.
Gazetari Artan Hoxha deklaroi se kjo është ngjarja më e rëndë e ndodhur në 30 vitet e fundit në vendin tonë. Ai shtoi se kjo video tregon që pamjet tregojnë se vrasjet u bënë me urdhër.
“Kjo ngjarje është një shembull i pandëshkueshmërisë, kur dihet që krimi është bërë nga shteti, për të mbrojtur pushtetin.
Është një ngjarje që ka ngelur në memorien jo vetëm të atyre që morën pjesë në atë protestë. Kjo është ngjarja më e rëndë në historinë e politikës në vendin tonë.
Më është dashur shumë kohë për ta siguruar këtë material. Kjo video është një regjistrim audio që tregon kush është njeriu që jep urdhrat dhe që bën koordinimin. Në momenti n kur u kërkuan prova për të provuar se vrasjet u bënë me urdhra, të gjitha këto u fshinë nuk lanë asnjë urdhër. Vetëm për të fshehur këtë gjë, që vrasjet u bënë me urdhër.”– deklaroi Hoxha.
Edhe pse kaluan 12 vite nga masakra e 21 janarit dhe në pushtet ishte Berisha drejtësia nuk është arritur edhe pse tashmë prej 8 vitesh në pushtet ndodhet Rama.
Kush priste dhe kishte shpresë që kur të vinte Rama në pushtet do vendoste drejtësi u gabua pasi siç po shohim edhe pas 12 vitesh qeveritarët tanë o në opzita mund të rrotullohen e të zgjasin drejtësinë por viktimat që humbën jetën e ata që u plagosën e u dhunuan nuk do harrohen.
