Mesa duket Homeland Justice është informuar për “largimin” e Yuri Kim nga Shqipëria. Madje ata i kanë vendosur kryqin ambasadores amerikane në Shqipëri, në një foto që ajo ka me kryeministrin e vendit, Edi Rama. Foton në grupin e hapur në rrjetin social “Telegram” e kanë shoqëruar me përshkrimin: Një iku, tani merremi me të tjerët (One down, many more to go…)
Postimi i Homeland Justice vjen vetëm një ditë pasi Ministria për Europën dhe Punët e Jashtme, ka lajmëruar në “Twitter” se procedura për zëvendësimin e Kim ka nisur. Në pozitën e ambasadorit amerikan në Shqipëri, pritet të emërohet David Kostelanick, edhe pse ky proces nuk i takon aspak MEPJ shqiptare, por ekskluzivisht Departamentit Amerikan të Shtetit. Lëvizje kjo që mund të shkaktojë një incident diplomatik mes dy vendeve.
Kujtojmë se hakerat e kanë shënjestruar me kohë kryeministrin Rama dhe ambasadoren Kim, prandaj sot kanë dalë me njoftimin tjetër se rradhën e kanë të tjerë…po për kë po paralajmërojnë tani hakerat?
Gjithashtu kujtojmë se së fundmi hakerat kanë reaguar në lidhje me incidentin ndaj Berishës, ku dëshmuan se Gert Shehu i cili në momentin që Berisha e Ilir Meta marshonin me një grumbull njerëzish mbrapa në Bulevard, u shfaq papritur duke i shpëtuar vigjilencës së truprojave të kreut të PD-së dhe duke goditur ish-kryeministrin në fytyrë, ishte pjesë e policisë, por se sa e vëretetë ishte ky lajmërim i rradhës i hakerave nuk është zbuluar ende.
