Kryeministri i vendit, Edi Rama, nl njl deklaratë ka folur për protestën e opozitës më 6 dhjetor dhe nuk ka harruar të marrë meritat duke thënë se ka luajtur një rol kyç që Tirana të përzgjidhej për mbajtjen e samitit të BE-së dhe Ballkanit Perëndimor. Sipas tij, Tirana nuk është zgjedhur si stacion i rastësishëm, por kjo qasje shtoi Rama është e mirëmenduar.
Rama: Nuk besoj se do të kemi incidente. Duhen marrë masa ekstreme sigurie që nuk janë të negociueshme për askënd dhe me askënd. Policia ka bërë publik perimetrin e sigurisë dhe nuk ka asnjë aryse për të pasur incident.
Pyetje: Pavarësisht deklarimeve tuaja, PD nuk ka tërheqje se protesta do të mbahet në Bulevard, ka pasur ndonjë tentativë për të negociuar për të mos e bërë protestën në 6 dhjetor?
Rama: PD ka më shumë se një kuptim. Nuk janë një forcë, janë të shpërbërë. Nuk shoh arsye për të negociuar se perimetri i sigurisë nuk negociohet më askënd, askund. Forca të caktuara dhe grupimeve të caktuara të bëjnë protesta, nuk ndodh dhe nuk ka ndodhur që të bëhen protesta pro samiteve, kundër po, por zhvillohen jashtë perimetrit të sigurisë. Kështu që nuk e shoh si një çështje midis PD dhe qeverisë së një pjese të të ashtuquajturës opozitë. E shoh si çështje sigurie të organeve dhe strukturave përkatëse. Këtë Samit nuk e e organizon Shqipëria, organizatori është BE, KE dhe presidenti i KE që ky samit të ketë mbarëvajtje të suksesshme. Për të mos hyrë në vlerësime të tjera për këtë protestë absurde. Jam i sigurtë që asnjë nuk do të provojë që të thyejë kordonin e sigurisë. është çmenduri se edhe çmendurakëve për të cilët flasim, nuk u shkon në mendje. Nuk do e lënë Shqipërinë që të lulëzojë atë ditë, por duket të ketë papritur të ketë pas edhe një ferrë. Disa njerëz që protestojnë për narkoshtetin, dmth mblidhet gjithë BE në një narkoshtet.
