Ndërkohë që protesta e studentëve në Tiranë vazhdon, bashkëmoshatarët e tyre në Shkodër morën ato që donin.
Universiteti i Shkodrës plotësoi tre kërkesat kryesore të studentëve, që i ishin dërguar dekanatit pak ditë më parë me anë të një shkrese.
Pavarësisht kësaj, studentët e Universitetit të Shkodrës shprehen se nuk do t’i ndalin protestat, pasi do të sensibilizohen me studentët në Tiranë në rast se nuk plotësohen kërkesat e këtyre të fundit.
Ata do të udhëtojnë për në Tiranë në mbështetje të protestës së studentëve, që vijon për të shtatën ditë.
Kërkesa e tyre e parë është ulja e notes mesatare nga 9 ne 7 për studimet në Master dhe Doktoratur, liria e zgjedhjes mes provimit dhe temës së diplomës.
Kërkesa e dytë ka të bëjë me rimbursimet për ekspeditat që bëjnë studentët, duke kërkuar që tërhiqen dhe të jene pjesë e buxhetit të Universitetit.
Kërkesa e trete është vënia në funksion e godinës se re të Universitetit të Shkodrës, brenda janarit të vitit të ardhshëm.
