Një organizatë kriminale që merrej me trafikimin e drogës është shkatërruar ditën e djeshme në Greqi duke arrestuar 38 anëtarë të rrjetit. Ertnews shkruan se nga monitorimi shumëmujor i funksionimit të qarkut dhe ecuria e hetimeve, u konstatua se anëtarët e qarkut ishin aktivë në shitjen e drogës për përdoruesit e Njësive Rajonale Rodopi, Ksanthi dhe Evros, sasi të cilat ishin furnizuar nga Selaniku dhe Komotini.
Nga mediat bëhet me dije se janë konstatuar se 115 persona janë furnizuar me drogë, ndërkohë që dy nga të arrestuarit janë emigrantë shqiptarë në Greqi. Gjatë kontrolleve të kryera në banesat e autorëve, në automjete dhe në vende të fshehta, u gjetën dhe u konfiskuan: 1 kilogram e 608,7 gram kanabis të papërpunuar, 502 tableta droge, 342 gramë metamfetaminë kristaline, 45 ml vaj hashashi, tre thika, katër peshore elektronike precize, 22 cigare të improvizuara kanabis, shuma prej rreth 9210 euro dhe një sërë pajisje elektronike dhe celularë.
Gjithashtu janë sekuestruar dy makina pasagjerësh, një kamion dhe dy motoçikleta me dy rrota. Sasia e drogës e trafikuar gjatë periudhës së funksionimit të qarkut llogaritet në 34 kilogramë kanabis të papërpunuar, ndërsa përfitimi i paligjshëm i përfituar nga anëtarët e tij llogaritet rreth 190 mijë euro. Në operacionin policor janë përfshirë punonjës policie të Drejtorive të Policisë Rodopi, Orestiada, Aleksandropolis, Dramë dhe Ksanthi dhe nëndrejtoria e Prokurorisë së Drogës pranë Drejtorisë së Sigurisë së Selanikut./Ertnews
