Ditën e sotme Roland Bani, kordinator i Programit Kombëtar për Luftën HIV/AIDS, ka qenë i ftuar në emisionin “Me Xhaxhiun”, për të folur për ditën Ndërkombëtare HIV/AIDS.
Roland Bani ka deklaruar se Shqipëria fatmirësisht vijon të mbetet një vend me prevalencë të ulët të infeksionit HIV.
Bani ka zbuluar se që nga viti 1993 kur u diagnostikua rasti i parë me HIV/AIDS e deri më sot janë 1493 raste në total në Shqipëri.
Raporti qëndron 70% meshkuj ndërsa 30% femra. Ky raport sipas Banit ndikohet dhe nga fakti që është shtuar numri i meshkujve që kryejnë marrëdhënie seksuale me meshkuj.
Roland Bani: Kjo betejë është gjatë gjithë vitit. Shqipëria vazhdon të jetë vend me prevalencë të ulët infeksioni HIV. Që nga viti 1993 kur u diagnostikua rasti i parë, numri total i rasteve është 1493 numri total i rasteve deri më sot. Nëse flasim për këtë vit, dua të them që nga janari e deri më sot numri i rasteve të reja është 91. Ka disa vite që kemi trend stabël, që do të thotë numri i rasteve të reja ccdo vit luhatet rreth 100. Numri i personave që jetojnë me HIV aktualisht në Shqipëri është rreth 1400. Numri i të diagnostikuarve është rreth 80% e tyre. 70% janë meshkuj dhe 30% femra. Raport stabël. Pse ndodh kjo? Përtej asaj që meshkujt testohen më shumë se femrat, është shtuar numri i meshkujve që kryejnë s*ks me meshkuj. Duke marrë në konsideratë homofobinë ndaj këtij komuniteti, themi që numri i rasteve ndikon dhe te ky komunitet. Pjesa dërrmuese e rasteve transmetohen me rrugë seksuale. 11.2% i përkasin meshkujve që kryejnë seks me meshkuj. Pra pjesa më e madhe kur kryhet marrëdhënie të pambrojtura.
