Prodhimi i ri nga “Kinostudio Rilindja” është prezantuar sot për publikun shqiptar dhe të diasporës. Kryeministri Edi Rama, me regji të ideuar dhe më pas të realizuar nga vetë ai shkoi sot që në mëngjes në Kuvend, kur e dinte mirë që para godinës ishin mbledhur në protestë fermerët. Në mënyrë krejt natyrale, ai zbriti nga mjeti i tij luksoz, shkoi tek fermerët dhe i ftoi të diskutonin me të.
Takimi zgjati jo më shumë se 30 minuta, pasi me të dalë jashtë fermerët u treguan kolegëve por edhe mediave detajet e takimit. Ndërsa më pas Rama i nxorri edhe vetë pamjet për të qenë sa më korrekt me të gjithë. Në fund, dëgjohet që u thotë fermerëve; Ikim tani se kemi dhe Kuvend! Por në sallë nuk hyn kurrë. Për 4 orë, aq sa zgjati pjesa e parë e seancës maratonë, Rama nuk shkel për asnjë moment në Kuvend përgjatë thuajse 4 orëve që u transmetua live.
Ndërkohë që u shfaq në Thumanë, për të përuruar godinat e ndërtuara pas tragjedisë së tërmetit. Pra e gjithë ishte thjeshtë një inskenim i kryeministrit për të bërë sikur po zgjidhte hallin e fermerëve që me këtë paketë fiskale janë një hap pranë falimentimit. Sa u mundua që inskenoi gjithë atë takim spontan, të kishte shkuar në Lushnje, atje kur protestojnë prej më shumë se një muaji e t’u kishte dhënë një zgjidhje. Se dhe vetë e pranoi që kishin të drejtë…, zbuluar nga dosja.al
