Kati i dytë i një pallati është përfshirë nga flakët mbrëmjen e sotme duke rrezikuar banesën e qytetarëve.
Ngjarja ka ndodhur në zonën e njohur si “Fresku” në Tiranë, por fatmirësisht nuk ka pasur të lënduar në njerëz,por banorët e pallatit kanë vështirësi të dalin për shkak të tymit. Brenda pallatit në momentin e zjarrit ka pasur njerëz , ndërkohë që deri më tani forcat zjarrfikëse kanë evakuuar një fëmijë.Zjarri dyshohet se është shkaktuar nga shpërthimi i një bombole gazi, por megjithatë ende nuk është shkak i konfirmuar zyrtarisht nga autoritetet. Ndërkohë që në venin e ngjarjes ka katër forca zjarrfikëse, të cilat po punojnë për shuarjen flakëve.
Nga zjarri, raportohen dëme materiale, ndërsa flakët nuk janë vënë ende nën kontroll. Nga pamjet disa fëmijë dëgjohen që bërtasin për ndihmë, ndërkohë një fëmijë është shoqeruar me barrellë për në spital, sipas burimeve.
NJOFTIMI I POLICISE
Me datë 17.11.2021, rreth orës 18:20 në rrugën “Fadil Deliu”, ka rënë zjarr në katin e dytë të një pallati, ku ka vetëm dëme materiale. Sherbimet e Policisë bënë evakumin e menjehershëm të banorëve të pallatit.
Në vendngjarje ndodhen forcat zjarrfikëse të cilat po punojnë për fikjen e zjarrit. Vijon puna nga Grupi Hetimor për zbardhjen e rrethanave të ngjarjes dhe përcaktimin e shkakut të rënies së zjarrit.
