Ngjarja e rëndë ndodhur ditën e sotme në Grecalli të Fierit ku 38-vjeçari Klodian Çalamani rrëmbeu dhe groposi fëmijën 8-vjeçar ka tronditur mbarë vendin.
38-vjeçari njihet nga banorët e zonës si një person që konsumonte pijen.
Të tronditur nga krimi makabër, një i afërm i familjarëve të 8-vjeçarit ka kërkuar që autori të marrë dënimin maksimal.
Ai ka treguar se lajmin e ka marrë vesh nga e motra e cila ndodhej në Itali, ndërsa kërkoi drejtësi për këtë vrasje.
“Më mori motra në Itali. Se dinim që ishte ashtu. Ky është shteti. Duam drejtësi. Nuk dimë që të kenë pasur konflikte. Motra ime më tha në Itali për ngjarjen. Se di”, ka thënë ai.
Mësohet se autori e qëlloi pamëshirë të miturin me lopatë, pasi e kishte rrëmbyer. Gjatë kësaj kohe mësohet se i mituri ka qenë duke bërë xhiro me biçikletën e autorit. Pasi e ka rrëmbyer, Klodian Çalamani e ka vrarë 8-vjeçarin me lopatë dhe më pas e ka mbuluar me baltë në oborrin e banesës së tij.
Kamerat e sigurisë kanë kapur momentet e fundit. Banorët e zonës janë të tronditur nga kjo ngjarje e rëndë. Njëri prej tyre tregon se autori jetonte në një godinë që më shumë se si banesë ngjante me një kasolle.
Prinderit e 38 vjecarit janë te ndare. Mamaja ne Maqedoni e martuar, babai dhe vellai burg ne Greqi, ndersa ai jetonte i vetem beqar.
