Ditwn e sotme Përfaqësuesi i OBSH-së në Shqipëri, Gerald Rockenschaub në një intervistë për Tv Klan, është shprehur se do procesohet njëlloj me vaksinat. Shqipëria do të përfitojë njësoj siç ka përfituar vaksinat anti-Covid nëse Administrata Amerikane e Ushqimit dhe Barnave (FDA), do të miratojë përdorimin e antiviralë të prodhuar nga Merk dhe Pfizer.
“Ne duhet të shohim si do ecë ky proces pasi për momentin ka disa prova klinike që janë premtuese, por ende nuk është marrë miratimi nga FDA. Megjithatë duhet parë edhe kapaciteti për t’u prodhuar, siç ndodhi me vaksinën që kishte mangësi në fazën e parë dhe që tashmë u kapërcye. Ajo do të behët e disponueshme përmes distributorëve farmaceutike në tregun global, por nëse rezulton shumë efektive për trajtimin e sëmundjes mund të vihet në punë mekanizmi përmes Covax i cili lehtëson aksesin e vendeve që nuk mund ta blejmë këtë medikament në tregun farmaceutik”, tha ai.
Përsa i përket procesit të vaksinimit, Rockenschaub ka thënë se Shqipëria ke përmbushur objektivin e vendosur nga OBSH për vaksinimin e 40 % të popullsisë target deri në fund të 2021. Një apel ka edhe për studentët.
“Shqipëria ka një progres të mirë përsa i përket vaksinimit është në trajektoren për të arritur objektivi që ka vendosur OBSH, mbi 40 % të popullsisë deri në fund të vitit 2021. Deri tani Shqipëria është diçka më shumë se 40 %. Problemi është si të rritet kjo përqindje dhe si të realizohet vaksinimi tek ata që janë hezitues. Ne i inkurajojmë studentët të vaksinohen pasi është shumë i rëndësishëm jo vetëm për ta, por edhe për familjarët dhe të afërmit e tyre. Ata duhet të vaksinohen dhe t’i besojnë shkencës si akademik të ardhshëm,” shtoi ai.
Për vendet të cilat ende nuk e kanë njohur Coronvac, Rockenschaub thotë se OBSH e ka dhënë vendimin e saj.
“Duke qenë se Kina dhe India janë prodhuesit më të mëdhenj në botë, Sinovak sipas OBSH është efektive dhe e sigurt, ajo është listuar për përdorim emergjent dhe është një opsion shumë i mirë për shoqërinë për ta përdorur”, tha ai.
Në lidhje me situatën e Covid, përfaqësuesi i OBSH në Shqipëri thotë se duhet të rrisim vigjilencën dhe të vijojmë me vaksinim dhe masat për të mbajtur të qëndrueshëm situatën.
“Për momentin situata është e qëndrueshme, por duhet të jemi vigjilentë dhe ta monitorojmë atë në mënyrë të vazhdueshme pasi shumë vende, dhe ato fqinjë ka rritje të rasteve. Prandaj duhet monitoruar situata. Megjithëse ne i kemi mjetet efektive, vaksinimi dhe mbajtja e masave. Dhe po shihet çfarë do bëhet me dozat e treta pasi u vu re që Izraeli e mundi pandeminë me vaksinim”, përfundoi ai.
