Ditën e sotme Ambasadorja amerikane në Shqipëri, ka ndarë pamje dhe detaje nga takimet e kongresmenëve amerikanë në Shqipëri. Sipas ambasadores Kim, gjatë takimeve me kryeministrin Edi Rama dhe kryedemokratit Lulzim Basha, amerikanët kërkuar përparim në sundimin e ligjit. Gjithashtu ajo shtoi se takimet e fundit tregojnë që marrëdhënies mes Shqipërisë dhe Amerikës i kapërcejnë politikat partiake.
“Faleminderit kongresmenëve për vizitën në Shqipëri. Takime me Edi Ramën dhe kreun e PD-së, Lulzim Basha tregojnë se marrëdhëniet mes Shqipërisë dhe Amerikën i kapërcejnë politikën partiake. Ligjvënësit amerikanë kërkuan përparim në sundimin e ligjit, duke vënë në dukje se ai do të tërheqë biznesin dhe investimet e SHBA. Ligjvënësit amerikanë vizituan gjithashtu të evakuuarit afganë që kanë kërkuar strehë të përkohshme të sigurt në Shqipëri. Mirënjohje të thellë popullit shqiptar për mikpritjen e tij,”-shkruan ambasadorja Kim.
Rama përveç fotove nuk ndau detaje të tjera nga takimet, ndërsa kryedemokrati Lulzim Basha theksoi se nuk kishin bërë asnjë diskutim lidhur me shpalljen “non grata” të ish-kryeministrit Sali Berisha.
Kujtojmë se kreu i PD Lulzim Basha tregoi një pjesë të takimit ku u shpreh:
“Përfaqësuesit e lartë të Kongresit amerikan, me një delegacion të kryesuar nga senatorja republikane Ernst dhe me praninë e dy anëtarëve të kongresit amerikan po kështu të PR dhe një zonjë të kongresit amerikan, të PD-së amerikane, së bashku me zyrtarë të lartë të sigurisë kombëtare vizituan PD-në dhe na dnhaë mundësinë për të shkëmbyer mendime mbi gjendjen politike në Shqipëri, në rajon dhe mbi perspektivën e bashkëpunimit strategjik midis Shqipërisë dhe SHBA-ve.”
