Kryetarja e LSI, Monika Kryemadhi ka dhënë një intervistë për Zërin e Amerikës.
E pyetur për një rikthim të Presidentit Ilir Meta në krye të kësaj partie, Kryemadhi tha se janë të hapur për të mirëpritur cilindo që do të kontribuojë.
“Nuk mund të flas për këtë, nuk e kam diskutuar di të them se LSI mirëpret çdo njeri që do të kthehet dhe të kontribuojë për të forcuar demokracinë dhe për të rikthyer demokracinë në shoqërinë shqiptare që ka qenë e brishtë këto vitet e fundit”, tha Kryemadhi.
Monika Kryemadhi mori drejtimin e Partisë Socialiste për Integrim në qershor të vitit 2017, pas dorëheqjes së Petrit Vasilit.
Kryemadhi paralajmëroi një opoztë të ashpër ndaj qeverisë së re. “Beteja jonë në parlamentin e ardhshëm do të jetë pikërisht ajo kundër kësaj kaste që ka marrë në dorë timonin e makinës së krimit dhe të drogës. Këtë herë tolerancë zero ndaj çdo veprimi të dyshimtë. Kundër çdo praktike korruptive dhe favori shtetëror ndaj të fortëve dhe oligarkëve. Përballë nesh nuk është një kundërshtar politik, por një kundërshtar i armatosur me krimin, me drogën dhe me arrogancën e korrupsionin, të gatshëm për të blerë çdo gjë me qëllimin e vetëm pushtetin dhe mbajtjen e pushtetit të tyre”, u shpreh Kryemadhi gjatë konventës së LSI-së ku u zgjodh kryetare e partisë në unanimitet.
