Lëkundje sizmike janë ndjerë në vend.
EMSC, shkruan se bëhet fjalë për dy tërmete. I pari është regjistruar me magnitudë 3.3 të shkallës rihter, ndërsa epiqendra është në Elbasan. Thellësia e këtij tërmeti është vetëm dy kilometra.
Ndërsa tërmeti i dytë është shënuar në Tiranë.
Magnituta e këtij tërmeti ka qenë më e fortë se e para, pasi bëhet fjalë për magnitutë 4.4 të shkallës rihter, ndërsa thellësia 10 km.
Aktualisht nuk raportohet për ndonjë dëm, po paniku tek qytetarët është prezent. Edhe një ditë më pare janë shënuar lëkundje tërmeti në Durrës dhe Korçë.
Kujtojmë që javët e fundit në vendin, tonë, në qytetë të ndryshme të vendit janë shënuar lëkundje tërmeti, duke rikthyer frikën tek qytetarët.
Rikujtojmë se megjithëse Shqipëria është në një zonë sizmike, vendi ynë nuk ka pasur tërmete shkatërrimtarë të shumtë. Megjithatë, në histori janë regjistruar tërmete të forta që kanë shkatërruar qindra banesa e kanë marrë qindra jetë njerëzish.
Shqipëria bën pjesë në zonën sizmogjene Jonike-Adriatike (rajoni i Shkodrës; Shqipëria perëndimore; zona Korçë-Ohër-Peshkopi, me vija aktive në Lushnje, Elbasan, Dibër dhe Vlorë, Tepelenë-Ersekë).
Alpet e Shqipërisë janë më pak të prekura nga lëkundjet e tërmeteve. Afërsisht, çdo vit në Shqipëri shkaktohen 4-5 tërmete me 6 ballë dhe çdo 25 vjet shkaktohet 1 tërmet me afro 9 ballë, duke e bërë kështu Shqipërinë një rajon me aktivitet të lartë sizmik.
