Një zjarr i madh ka përfshirë plazhin e Gjeneralit ditën e sotme, ku si pasoj e flakëve janë djegur tre banesa. Mësohet se banesat që janë përfshirë nga flakët janë në fshatrat Domen dhe Bardhoj. Ndërkohë që flakët po përhapen me shpejtësi në një sipërfaqe të madhe pyjore, të favorizuara edhe nga era.
Bëhet me dije se për shkak të terrenit të vështirë që ka zona është e pamundur ndërhyrja e mjeteve zjarrfikëse, ndërsa përhapja e flakëve po kërcënon edhe dhjetëra banesa të tjera.
Kujtojmë se disa ditë më parë edhe në fshatin Duhanas në Berat është regjistruar një vatër zjarri. Flakët janë vënë aksidentalisht nga disa banorë të zonës, të cilët ishin duke djegur mbeturina në arat e tyre.
Flakët i ka favorizuar edhe era e fortë e cila i ka ndihmuar që të përhapen në një sipërfaqe më të madhe dhe të dalin jashtë kontrollit. Kanë qenë banorët e zonës ata të cilët kanë njoftuar policinë pasi nuk po arrinin ta vinin zjarrin nën kontroll. Flakët e zjarrit u përhapën me shpejtësi drejt tokave të tjera bujqësore, ndërkohë që në rrezik nga flakët ndodhet nën/stacioni elektrik i fshatit. Sjellim në vëmendje se edhe disa javë më parë në Fier u regjistruan tre vatra zjarri, flakët e të cilave dogjën pemë të ndryshme frutore por edhe hapësira pyjore duke kërcënuar zonat e banuara.
